Homo homini lupus est.
Чалавек чалавеку – воўк. Першы ў гэтую праўду хрэст маіх дзён разьвіваў сувой. А пасьлей – хто хацеў, хрысьціў ці вадою, ці безь яе, й крыўд набрала я до у трысьці – у жыцьці, аж яшчэ стае. Глуха шасталі дні – сьцяблы: па зіме – зноў сяўба... жніво... Не збываўся тых слоў палын «Чалавек чалавеку – воўк». Не гублялі іх чары рук, сэрца ў кратах крывых рабрын... На сваім я гарбе ўгару узьняла іх, праўдзівых, тры. Ды, ўсе ў белі, ішлі вітаць і лагчыны й сады мой сум. Сіняй руняй плылі жыта, асыпалі мне ўсьлед расу. Ападаў на мае сьляды, па расе, дрэў барвовых ліст, спавіваў, як брылі гады, ў чар нязвыклы маё «калісь». Прытулю да вачэй далонь – ...і ўжо межаў відаць слупы. Дзіў, што іншы ўсё, што было, церушыць мне на вейкі пыл... I, паціснуўшы пальцы вясьне, хай на ростань зь ёй не пара, я шпурляю ў ігрушаў сьнег: «Чалавек чалавеку – брат!»
1964, Нью-Ёрк.
|
|